Big numbers behind Raymond Abbas arrest and why e shake Nigeria – Hushpuppi

Hushpuppi Nigerian internet celebrity
Hushpuppi Nigerian internet celebrity

Im arrest ontop accuse of money-laundering, cyber fraud, hacking and scam shock many pipo especially because of di big- big numbers wey authorities claim say dem nab am with.

Wetin be di numbers?

Dem arrest am for internet crime wey worth ova N160bn – dat na 1.6 billion dirham to naira.

Dubai police say dem also seize:

  • More dan $40.9 million cash moni
  • 13 expensive cars wey worth $6.8 million moni wey dem get from mago-mago activities
  • 21 computer device
  • 47 smartphones
  • 15 memory stick
  • Five hard disk wey contain 119,580 fraud files
  • Address of 1,926,400 victims.

Di Federal Bureau of Investigation (FBI) accuse di Chief Executive of Invictus Group say im use computer-based intrusion fraud scheme, tiff $11 million from im victims.

Obiwanne plead guilty to di charges according to US Attorney Office for di Eastern District of Virginia.

But even Obinwanne Okeke aka Invictus obi fraud money case no reach all di tins dem dey accuse Hushpuppi for.

Recently, di Federal Bureau of Investigation (FBI) for America release list of 79 pipo wey dem dey find ontop accuse say dem commit cybercrime offenses.

Di six Nigerians wey FBI dey find

Wetin we call dis foto, six Nigerians wey FBI dey find

For inside di FBI list, six na Nigerians dem claim say dem dey involve for “Business Email Compromise (BEC) scheme wey defraud over 70 different businesses for United States resulting for combined losses of over $6,000,000 USD” again dia money no reach Hushpuppi own too.

See dia names here;

Richard Izuchukwu Uzuh

Alex Afolabi Ogunshakin AKA Alex Afolabi, Alex Ogunshakin

Felix Osilama Okpoh AKA : Felix Okpoh, Felix Osilama, “Junior”

Abiola Ayorinde Kayode AKA Abiola Kayode, “ABK”, “Ginger”

Nnamdi Orson Benson AKA Nnamdi Benson, “Namo”

Micheal Olorunyomi AKA Ayomide Michael, Michael Olorunyomi, “Ayo”, “A.Y.”

Meanwhile ontop Hushpuppi mata Di Economic and Financial Crimes Commission( EFCC) wey be Nigeria corruption police say dem dey investigate di crime wey FBI arrest am for-$35million ventilator scam.

EFCC tok say di Commission get all di details of im moni mago-mago transactions, wey involve many high-profile cyber criminals wey dey face trials inside di kontri.

And di Commission don begin work with di FBI to trace di pipo wey im dupe and oda pipo wey follow am dey do di internet crime.

Be the first to comment

Leave a Reply